Georg Stage-mut umiartorneq imarsiornermi ilinniarneruvoq aammalu inuunermi misigisassaqarfiulluni. Inuusuttut 62-t aamma umiartortut misilittagaartuut 10-t peqatigalugit silarsuaq angalaarfigissavarsi. Aqqutaani sorpassuarnik ilinniagaqassaatit – inuit allat qanimut inooqatiginissaat aamma suleqatiginissaat, kisianni pingaarnertut illit imminut ilinniassagavit. Misigissavatit aamma iliuuserissavatit, nammineq immaqa pisinnaasatut kajumerisatullu naatsorsuutigisimanngisarnik. Tamatumap inuunerit nutaamik ilusilersorneqassaaq inuttullu nukittorsaatigissallugu.

Ukiut 50-t sinnerlugit Georg Stage kalaallinik ilinniartunik ilaasoqartarsimavoq. Georg Stage-p suleqatigivaa Lichtenbergs Fond-i, ukiullu tamaasa kalaallinik ilinniartunik 6-nik umiarsuarmut ilinniarfiusumut aallartitsisarluni.